Myndir á vefsíðum

myndirnar selja meira...

 

Stærðir á myndum eru misjafnar eftir því hvar á síðunni þær eiga að vera og í hvaða tilgangi þær verða notaðar.

Gott er þó að hafa í huga að hafa myndir ekki minni en 200x200px svo Facebook nái til dæmis að nota myndina ef deila á hluta vefsíðunnar á Facebook.
Einnig er gott að hafa í huga að hafa myndirnar ekki allt of stórar því það eina sem gerist er að síðan verður bara hægari ef um stórar myndir er að ræða.

Til að fá upplýsingar hvað myndin þín er stór, bæði í kb (kilobites) og px (pixels), þá er hægt að hægri smella á myndina þína í tölvunni, velja Get Info (Mac) eða Properties (PC) og þá ættu að birtast þær upplýsingar sem þú þarft.

Tegundir mynda

Í vefsíðum er aðalega unnið með tvær tegundir mynda. JPG (JPEG) annars vegar og PNG hins vegar. Mikill stærðarmunur getur verið á þessum tveimur myndagerðum. Myndir sem eru JPG eru nánast undantekningarlaust minni en PNG myndir. Kostir PNG fram yfir JPG er aðalega sá að boðið er upp á að hafa bakgrunn mynda gegnsæjan (transparent) sem þýðir að myndin notar lit vefsíðunnar sem part af myndinni. JPG myndir eru hins vegar alltaf með bakgrunn.
Ef þið hafið kost á að nota JPG, þá mælum við með því frekar en JPG vegna stærðarhagkvæmni.

Myndvinnsluforrit

Mörg forrit eru í boði til að vinna með myndir. Þau algengustu eru án efa Photoshop (PC & Mac) og Pixelmator (Mac). Þessi forrit bjóða upp á mikla vinnslu á myndum ásamt auðveldum aðgerðum eins og að minnka, stækka, klippa og vista myndir fyrir vefsíður (Save for Web). Með því að vista myndir á þann veginn geturu átt við gæði myndanna á auðveldan hátt - sérstaklega ef um JPG mynd er að ræða. Oft getur munað umtalsverðu í stærð mynda ef maður notast við 100% gæði eða 70% sem getur svo aftur leitt til þess að vefsíðan þín verður hægari eða hraðari.

Fyrir þá allra hörðustu, þá er hægt að nota forrit sem heitir JPEGmini en það þjappar JPG myndum saman ennþá meira án þess þó að gæðin versni nokkuð að ráði.

Nafn mynda

Mjög mikilvægt er að nafn á öllum myndum sé lýsandi fyrir myndina sjálfa. Ef þú ert að reka netverslun og ert að selja lampa sem heitir Barto og er hvítur, skýrðu þá myndina Barto-lampi-hvítur.jpg en ekki Barto38812.jpg
Þetta gerir það að verkum að leitarvélar á borð við Google geta séð lampi-hvítur í nafninu og þar að leiðandi sýnt niðurstöður hjá sér ef einhver leitar eftir hvítum lampa.

 


Deila